Sib co-host addattat fuq Airbnb

Issa, mill-app, eħfef li ssib u tqabbad co-host jgħinek tieħu ħsieb il-post u l-klijenti tiegħek.

In-Netwerk tal-Co-Hosts iqabbdek ma' co-hosts tal-post b'esperjenza li jgħinuk bil-ħtiġijiet tiegħek. Agħżel minn lista ta' hosts li tista' taħdem magħhom, aqra x'esperjenza għandhom, ibda aħdem magħhom u aqsam il-ħlasijiet tiegħek.

Tista' tqabbad co-host kemm jekk qed titħajjar issir host, jekk int host ġdid jew jekk int host b'esperjenza. Itlob co-host jeħodlok ħsieb xi biċċiet tax-xogħol—jew jilqa' n-nies f'ismek. Fost is-servizzi li jagħtu hemm:

• Il-ħolqien tal-listing
• L-għażla tal-prezzijiet u tad-disponibbiltà
• It-talbiet għall-booking
• Il-messaġġi mal-klijenti
• L-għajnuna lill-klijenti waqt iż-żjara
• It-tindif u ż-żamma
• It-teħid tar-ritratti tal-listing
• Id-disinn u l-istil ta' ġewwa l-post
• Il-liċenzji u l-permessi biex tilqa' n-nies

Il-co-hosts jistgħu jżidu servizzi oħra bħal, ngħidu aħna, ġardinaġġ, analiżi kummerċjali u taħriġ fil-qasam tal-ospitalità. Fuq il-profil tal-co-host għandek issib id-dettalji dwar is-servizzi li jagħti.

Il-co-hosts tan-netwerk huma wħud mill-aqwa hosts tagħna. Il-medja tar-rating ġenerali tagħhom mingħand il-klijenti huwa ta' 4.86 u bħala medja, għandhom erba' snin esperjenza fuq Airbnb. Bħalissa, 73% tagħhom huma Superhosts u 84% minnhom jieħdu ħsieb mill-inqas listing wieħed li huwa Favorit tal-Klijenti.

In-Netwerk tal-Co-Hosts bħalissa hija disponibbli ġewwa l-Awstralja, il-Brażil, il-Kanada, Franza, il-Ġermanja, l-Italja, il-Messiku, Spanja, ir-Renju Unit u l-Istati Uniti tal-Amerka. Fl-2025, in-netwerk se tibda taħdem f'iktar pajjiżi.

Uża n-Netwerk tal-Co-Hosts biex tfittex u tiltaqa' ma' xi ħadd li jagħti s-servizzi li teħtieġ.

Sib co-host:

• Daħħal l-indirizz tal-listing tiegħek biex tfittex xi ħadd qrib il-listing tiegħek fin-netwerk. Se nuruk il-profili tal-co-hosts kollha tal-post, imqiegħda wara xulxin skont il-post fejn jaħdmu, kemm iwieġbu fil-ħin ta' sikwit u l-kwalità tas-servizz li jagħtu.
• Agħżel il-profil ta' co-host biex issir taf iktar dwaru—l-esperjenza, ir-reviews, il-listings li jieħu ħsieb, il-prezzijiet li jitlob u dettalji oħra.
• Ibgħat messaġġ lil kull wieħed mill-co-hosts li għoġbuk. Għidilhom ftit min int u aqsam ftit dettalji dwar il-ħtiġijiet tiegħek.
• Nissuġġerulek tistaqsi iktar mistoqsijiet u tgħarraf lill-co-hosts b'dak li tistenna mingħandhom.

Qabbad co-host:

• Agħżel lil min tixtieq jaħdem miegħek bħala co-host u nissuġġerulek tfassal ftehim uffiċjali għall-isħubija tagħhom.
• Iftaħ il-listing ta' Airbnb tiegħek. Ibgħat stedina lill-imsieħeb il-ġdid tiegħek biex ikun co-host u agħtih il-permessi tal-listing tiegħek. Se jkollu ġimagħtejn ċans biex jaċċetta.
• Agħżel li taqsam parti mill-ħlas tiegħek għal kull booking minn Airbnb.*

Fl-app għandek issib l-għodod kollha li teħtieġ biex taħdem id f'id ma' co-host. Tista':

• Ibgħat il-messaġġi direttament lil co-host.
• Stiednu jgħinek bil-listing tiegħek.
• Agħtih il-permessi biex jieħu ħsieb il-listing tiegħek.
• Aqsam il-ħlasijiet għall-bookings mal-co-host tiegħek.*

Sir af iktar dwar kif issir co-host

*Hemm xi restrizzjonijiet, skont il-post fejn jinsab il-host, il-co-host u l-listing.

In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).

Il-hosts tan-Netwerk tal-Co-Hosts ħafna drabi jkollhom ratings għoljin, rati ta' kanċellazzjoni baxxi u esperjenza tajba ta' kif jilqgħu n-nies fuq Airbnb. Ir-ratings jinħadmu skont ir-reviews tal-klijenti għal-listings li huma hosts jew co-hosts tagħhom u jafu ma jkunux inħadmu fuq is-servizzi uniċi li jagħti l-co-host.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.