Kif jaħdem AirCover għall-Hosts

AirCover għall-Hosts joffri ħarsien komplut kull darba li tilqa' n-nies fil-post tiegħek. Dan jiġbor fih il-verifika tal-identità tal-klijenti, l-għarbiel tal-bookings, l-assigurazzjoni għar-responsabbiltà tal-Hosts sa $1 miljun USD, il-ħarsien kontra l-ħsara sa $3 miljun USD, il-ħarsien għall-oġġetti ta' valur u l-ħarsien għad-dgħajjes u l-karozzi pparkjati fil-propjetà tiegħek.

Il-komunità tagħna msejsa fuq il-fiduċja. Għalhekk importanti li l-klijenti kollha li jibbukkjaw ikunu għaddew mill-proċess tal-verifika tal-identità tagħna. Meta nivverifika l-identità ta' klijent, nivverifikaw xi informazzjoni personali bħall-isem uffiċjali, l-indirizz, in-numru tal-mowbajl jew dettalji tal-kuntatt oħra.

Kif nivverifikaw l-identità tal-klijent, il-klijent se jikseb il-badge "Identità verifikata". Din tintwera fuq il-pjattaforma ta' Airbnb ħdejn ir-ritratt tal-profil tal-klijent bħala badge lewn ħamrani bis-simbolu very good. Barra minn hekk, nafu niċċekkjaw il-kondotta tal-klijenti li joqogħdu ġewwa l-Istati Uniti tal-Amerka.

Ikseb iktar dettalji dwar il-verifika tal-identità tal-klijenti

Il-Politika kontra l-Fastidju lill-Komunità tagħna ma tħallix li l-klijenti jorganizzaw parties bla permess u li jagħtu fastidju. Aħna nużaw teknoloġija tal-għarbiel mibnija minna biex tgħinna nwettqu dik il-politika u nnaqqsu l-probabbiltà ta' parties li jagħtu fastidju.

Biex tifhem jekk booking għandux jiġi mblukkat jew le, is-sistema tqis għadd ta' fatturi fosthom ix-xorta tal-listing marbut mal-booking, it-tul taż-żjara, il-bogħod mill-post fejn jinsab il-klijent sal-listing u jekk il-booking sarx fl-aħħar minuta.

Ikseb iktar dettalji dwar it-teknoloġjia għall-għarbiel tal-bookings

Għal iktar minn għaxar snin, Airbnb dejjem tat l-aqwa ħarsien mill-ħsara għall-Hosts. Ħarsien mill-ħsara għall-Hosts, parti minn AirCover għall-Hosts, jiġbor fih dal-ħarsien f'każ li klijent ma jħallasx għall-ħsara li jkun għamel fil-post tiegħek jew fi ħwejġek sakemm ikun qed joqgħod għandek:

• $3 miljun USD f'ħarsien kontra l-ħsara: Dan jiġbor fih kemm il-post tiegħek kif ukoll dak li hemm fih.
• Ħarsien għall-biċċiet tal-arti u l-oġġetti prezzjużi: Aħna nħarsu l-biċċiet tal-arti fini, il-ġojjelli u l-oġġetti tal-kollezzjoni għax nistgħu nagħtuk kumpens jekk issirilhom xi ħsara.
• Ħarsien għall-karozzi u d-dgħajjes: Noffru ħarsien mill-ħsara għall-karozzi, għad-dgħajjes u għal inġenji tal-ilma oħra li jkollok ipparkjati jew maħżuna fil-propjetà tiegħek.
• Ħarsien kontra l-ħsara li jagħmlu l-pets: Aħna nħallsu għall-ħsara li jistgħu jagħmlu l-pets.
• Tindif fil-fond: Aħna nagħmlu tajjeb għal servizzi ta' tindif mhux mistennija li jkunu meħtieġa biex tneħħi t-tbajja' u l-irwejjaħ tat-tipjip.
• Ħarsien kontra t-telf tad-dħul: Se nagħmlu tajjeb għat-telf tad-dħul jekk tikkanċella booking ta' Airbnb minħabba xi ħsara li jagħmlulek il-klijenti.
• Linja tas-sigurtà 24 siegħa kuljum: Jekk qatt tħossok mhux sigur/a, l-app tagħna tista' tqabbdek mal-aġenti tas-sigurtà mħarrġa apposta, lejl u nhar.

Jekk xi klijent jagħmel il-ħsara fil-post tiegħek jew fi ħwejġek, int (jew Co-Host b'permess tal-aċċess sħiħ f'ismek) tista' tiftaħ iċ-Ċentru tar-Riżoluzzjonijiet tagħna biex, fi ftit passi, tressaq talba għall-kumpens u mbagħad tifhem fejn waslet minn meta tibgħatha sakemm tikseb il-ħlas. It-talba tiegħek l-ewwel se tmur għand il-klijent. Jekk klijent ma jweġibx jew ma jħallasx fi żmien 24 siegħa, se tkun tista' titlob lil Airbnb tidħol għalik. Is-Superhosts (li għandhom il-listings barra l-istat ta' Washington ġewwa l-Istati Uniti tal-Amerka) jingħataw prijorità u jitħallsu l-kumpens iktar malajr.

L-Assigurazzjoni għar-Responsabbiltà tal-Hosts, parti minn AirCover għall-Hosts, tħarsek fil-każ rari li, waqt li jkun qed joqgħod fil-post tiegħek, klijent ikorri jew l-affarijiet tiegħu ssirilhom xi ħsara jew jinsterqu. Dawk li jgħinuk tilqa' n-nies, bħall-Co-Hosts u l-persuni li jgħinuk tnaddaf, huma mħarsa wkoll.

L-assigurazzjoni għar-responsabbiltà tal-Hosts tħarsek f'każ li tinstab legalment responsabbli għal:

• Korriment ta' klijent (jew ta' nies oħra)
• Ħsara jew serq tal-propjetà ta' klijent (jew nies oħra)
• Ħsara magħmula minn klijent (jew nies oħra) lil żoni komuni bħal pereżempju l-lobbies jew il-propjetajiet fil-qrib

Jekk jeħtieġlek tressaq talba, kemm tuża l-formola tat-talba tal-assigurazzjoni għar-responsabbiltà. Se nibagħtu l-informazzjoni li tagħtina lill-kumpanija tal-assigurazzjoni terza fdata tagħna li se tgħaddi t-talba tiegħek lil xi ħadd mir-rappreżentanti tagħha. Ir-rappreżentant se jiddeċiedi dwar it-talba tiegħek skont ir-regoli tal-polza tal-assigurazzjoni.

Jekk int Organizzatur ta' Esperjenza, int imħares mill-Assigurazzjoni għar-responsabbiltà tal-Esperjenzi tagħna.

Ikseb iktar dettalji dwar l-Assigurazzjoni għar-responsabbiltà tal-Hosts

Il-programmi Ħarsien mill-ħsara għall-Hosts, Assigurazzjoni għar-Responsabbiltà tal-Hosts u Assigurazzjoni għar-Responsabbiltà tal-Esperjenzi ta' AirCover għall-Hosts la jgħoddu għall-Hosts li jiksbu l-bookings mingħand Airbnb Travel LLC u lanqas għall-Hosts tal-postijiet fejn toqgħod jew għall-Organizzaturi tal-Esperjenzi ġewwa l-Ġappun għax dawn tal-aħħar imħarsa mill-Assigurazzjoni tal-Hosts tal-Ġappun u l-Assigurazzjoni għar-Responsabbiltà tal-Esperjenzi tal-Ġappun. Il-Hosts li joffru l-postijiet fejn toqgħod u l-Esperjenzi ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Żomm f'moħħok li l-limiti tal-ħarsien qed jintwerew kollha bil-munita USD.

L-Assigurazzjoni għar-responsabbiltà tal-Hosts u l-Assigurazzjoni għar-responsabbiltà tal-esperjenzi huma sottoskritti minn kumpaniji tal-assigurazzjoni li ma jagħmlux parti minn Airbnb. Jekk qed tilqa' n-nies jew torganizza l-esperjenzi ġewwa r-Renju Unit, l-Assigurazzjoni għar-responsabbiltà tal-Hosts u l-Assigurazzjoni għar-responsabbiltà tal-esperjenzi huma sottoskritti minn Zurich Insurance Company Ltd. u jiġu organizzati u jinħarġu bla ħlas żejjed għall-Hosts tar-Renju Unit minn Airbnb UK Services Limited—rappreżentanta awtorizzata ta' Aon UK Limited, li hija awtorizzata u regolata mill-Awtorità tal-Kondotta Finanzjarja. In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonferma dan-numru billi żżur is-sit tar-Reġistru tas-Servizzi Finanzjarji jew billi tikkuntattja lil FCA fuq +44 0800 111 6768. Il-politiki tar-Responsabbiltà għall-Hosts u tar-Responsabbiltà għall-Organizzaturi tal-Esperjenzi ta' AirCover għall-Hosts huma regolati mill-Awtorità tal-Kondotta Finanzjarja filwaqt li l-bqija tal-prodotti u s-servizzi li toffri Airbnb UK Services Limited mhumiex regolati. FPAFF609LC

Ġewwa r-Renju Unit, dal-poloz qed jiġu organizzati u qed jinbiegħu mingħajr spejjeż oħra għall-benefiċċju tal-Hosts ġewwa l-UE minn Airbnb Marketing Services SLU, imsieħeb barrani ta' Aon Iberia Correduría de Seguros y Reaseguros, SAU, kumpanija awtorizzata u regolata mill-Autoridad de Control de la Dirección General de Seguros y Fondos de Pensiones, bin-numru tas-serje J0170.

Aon Iberia Correduría de Seguros y Reaseguros SAU qed tagħmilha ta' intermedjarja ġewwa l-UE billi tieħu ħsieb it-tqassim tal-assigurazzjoni fil-pajjiżi tal-UE skont il-liġijiet tas-servizzi ħielsa biex tagħti s-servizzi tagħha skont il-Liġi Spanjola għat-Tqassim tal-Assigurazzjoni, id-Direttiva għat-Tqassim tal-Assigurazzjoni u l-klawżoli legali u regolatorji l-oħra. Hu x'inhu l-pajjiżi fejn qed jitqassmu s-servizzi tal-assigurazzjoni, il-pajjiż responsabbli mis-superviżjoni ta' Aon huwa s-Saltna ta' Spanja u l-Awtorità Superviżorja hi d-Direttorat Ġenerali tal-Assigurazzjoni u l-Fondi tal-Pensjoni bl-indirizz Paseo de la Castellana 44, 28046 – Madrid.

Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Għal-listings ġewwa l-istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-Hosts u l-Organizzaturi li joqogħdu jew huma bbażati barra l-Awstralja jaqgħu taħt dawn ir-Regoli għal Ħarsien mill-Ħsara għall-Hosts. Għall-Hosts u l-Organizzaturi li joqogħdu jew huma bbażati ġewwa l-Awstralja, Ħarsien mill-ħsara għall-Hosts jaqa' taħt ir-Regoli għal Ħarsien mill-Ħsara għall-Hosts għall-Utenti Awstraljani.

L-informazzjoni f'dal-artiklu jaf laħqet inbidlet minn meta ġie ppubblikat.