Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif ittejjeb id-deskrizzjoni tal-listing tiegħek

    Listing onest u dettaljat jgħin lill-klijenti jimmaġinaw lilhom infushom fl-ispazju tiegħek.
    Minn Airbnb f'did-data: 18 ta’ Nov 2020
    Qari ta' 11-il minuta
    Aġġornat f'did-data: 14 ta’ Mej 2021

    Punti ewlenin

    • Iffoka fuq dak li jagħmel l-ispazju tiegħek uniku

    • Agħti deskrizzjoni eżatta tal-ispazju tiegħek biex il-klijenti jkunu jafu eżatt x'għandhom jistennew

    • Aġġorna d-dettalji tal-listing tiegħek
    • Skopri iktar fil-gwida kompluta tagħna dwar kif toħloq listing tajjeb

    Deskrizzjoni tal-listing tajba hija waħda mill-aqwa għodod li għandek biex tikseb il-bookings u tgħarraf lill-klijenti dwar dak li għandhom jistennew. Is-Superhosts urewna li l-propjetà m'għandhiex għalfejn tkun perfetta; l-importanti li tgħid lill-klijenti sewwa sew x'se jsibu meta jaslu. Dan huwa kif għandek tħajjar lill-vjaġġaturi joqogħdu fl-ispazju tiegħek.

    Semmi l-faċilitajiet speċjali li toffri

    Għandna miljuni ta' listings fuq Airbnb. Biex turi x'hemm speċjali dwar il-listing tiegħek, ħu ftit minuti biex taħseb dwar dawk il-karatteristiċi attraenti u uniċi li jagħmluh differenti mill-oħrajn. Dan jista' jfisser li ssemmi l-post fejn jinsab jew il-kumditajiet uniċi li jinsabu fl-ispazju tiegħek. "Il-post tagħna jinsab bejn 5 u 10 minuti mixi bogħod minn uħud mill-aqwa ristoranti u birreriji ta' Bend," jgħidu s-Superhosts Mike u Jill, minn Bend, Oregon. "Il-mogħdijiet tal-mountain bikes [tagħna] huma biss kwarta bogħod bir-rota jew 5 minuti bogħod bil-karozza."

    Tih isem interessanti

    L-isem u l-ewwel ritratt tal-listing tiegħek huma dawk li jikkonvinċu lill-klijenti biex jaraw il-listing tiegħek, għalhekk importanti li tużahom sew billi tenfasizza l-aqwa affarijiet tal-ispazju tiegħek. Uħud mill-aħjar ismijiet tal-listings huma dawk li jsemmu l-kumditajiet li joffri l-ispazju u li jikt Pereżempju, minflok tikteb, "appartament ġewwa belt b'kamra tas-sodda waħda", ipprova ikteb, "Appartament Mill-Isbaħ b'Kamra tas-Sodda Waħda Qrib iċ-Ċentru." Eżempji tajbin oħra huma:

    • "Cottage Ħdejn il-Baħar: Sawna, Kayaks u Ċinema ġewwa d-Dar"
    • "Appartament fil-Pjazza tal-Belt il-Qadima b'Fireplace u Uffiċċju fid-Dar"
    • "Kabina Adattata għat-Tfal Ħdejn Lag u Mogħdijiet għal Mixi fit-Tul"

    Irrakkonta l-istorja tal-ispazju tiegħek

    Il-listing tiegħek huwa fejn tirriklama l-ispazju tiegħek u l-istejjer huma parti importanti minn marketing tajjeb. Ħafna drabi l-istorja li tirrakkonta se tkun dwar l-esperjenza li toffri lill-klijenti. Matulha tgħinhom jimmaġinaw lilhom infushom bħala l-karattru ewlieni tal-istorja tal-avventura tagħhom stess. Għandek appartament fis-sular ta' fuq nett b'siġra fuq barra? "Se tħossok qisek qiegħed fi treehouse!" Anke kamra żgħira fiċ-ċentru tal-belt tista' tkun "bażi perfetta minn fejn toħroġ tesplora." Għal iktar ispirazzjoni fuq kif tirrakkonta l-istorja tiegħek b'mod effettiv, agħti daqqa t'għajn lejn il-pariri tas-Superhosts Tereasa u David.

    Aħseb bħal vjaġġatur

    M'għandekx għalfejn tkun kittieb prim biex tikteb deskrizzjoni tajba imma għandek tikteb fil-qasir u ma tużax kliem tqil. Ibda billi taħseb bħal vjaġġatur: Fil-bidu tad-deskrizzjoni aqsam l-informazzjoni li vjaġġatur jeħtieġlu jkun jaf u semmi dak li jagħmel il-post tiegħek speċjali.

    Pereżempju, il-Host Ryan ta' Santa Marta, il-Kolombja, jgħid li dejjem jispjega l-kuntest lill-klijenti tiegħu bil-quddiem. "Minħabba li huwa post pjuttost maqtugħ għalih, hemm ħafna informazzjoni li nixtiequ naqsmu mal-klijenti tagħna," jgħid. "Aħna m'aħniex maqtugħin minn kollox, imma ninsabu f'żona rurali ħafna. Meta jinqata' d-dawl, jista' jdum ftit jiem qabel jiġi lura." Sakemm il-klijenti tiegħu jkunu jafu b'dil-ħaġa qabel jibbukkjaw, huma jifhmu li mhux se jkollhom esperjenza tal-ivvjaġġar tipika u jkunu jistgħu jlestu ruħhom għaliha.

    Jekk ma tkunx taf kif tibda, tkellem ma' sħabek u għidilhom ftit jista' jistenna klijent meta joqgħod fil-post tiegħek. Ħafna drabi l-aħjar dettalji joħorġu waħidhom mill-ewwel—b'mod attraenti u mexxej—li jwassal biex id-deskrizzjoni tal-listing tkun effettiva ħafna.

    Ikteb bil-ħsieb u b'mod speċifiku

    "Aċċess dirett għall-bajja u veduti mill-isbaħ tal-oċean minn kull kamra" huwa kif il-Host Matthew jibda l-listing tiegħu fin-Nikaragwa.

    Il-listing ta' Olga ġewwa Mammoth Lakes, California jiffoka ħafna fuq il-kumdità tal-parkeġġ għax mill-esperjenza tagħha taf li min jibbukkja għal vaganzi tal-iskiing jieħu gost ħafna jsib propjetà li jista' jdaħħal l-apparat tal-iski fiha mingħajr xkiel. Hija tenfasizza wkoll li d-dar tagħha mgħammra b'fireplace tal-injam għax taf li l-iskiers jieħdu gost jirrilassaw quddiem in-nar wara jum fuq l-għoljiet.

    Ikteb fil-qosor

    In-nies, minflok jaqraw kull deskrizzjoni fid-dettall, normalment jagħtu ħarsa fuq fuq lejn id-deskrizzjonijiet tal-listings biex jaraw joffrux dak li qed ifittxu. Meta qed tikteb għall-internet, ikteb fil-qosor biex l-informazzjoni li trid taqsam tasal mad-daqqa t'għajn. Ikteb dwar l-affarijiet li ma semmejt imkien ieħor fil-paġna tal-listing u uża ċ-checklist tal-kumditajiet biex taqsam l-informazzjoni dwar il-faċilitajiet kollha li toffri bħal wifi, parkeġġ u arja kkundizzjonata—b'hekk il-listing tiegħek ikun jista' jintwera meta l-klijenti jiffiltraw għal dawn il-kumditajiet.

    Ikteb b'mod ġenwin u onest

    Għalkemm forsi tixtieq turi kemm huwa speċjali l-post tiegħek, tfaħħrux wisq u tesaġerax l-aspetti sbieħ tiegħu. Meta tkun ċar kemm dwar il-benefiċċji uniċi kif ukoll dwar l-affarijiet li l-klijenti jafu ma jkunux qed jistennewhom fil-propjetà tiegħek, tkun qed tgħin lill-klijenti li qed jitħajjru jibbukkjaw jifhmu minnufih jekk l-ispazju tiegħek jgħoddx għalihom jew le.

    Importanti ħafna żżid il-faċilitajiet tal-aċċessibbiltà u tenfasizza kull tal-propjetà tiegħek li tista' joħolqu xi problema għal xi klijenti. It-taqsimiet "Affarijiet Oħra li għandek Tkun Taf" u "L-Ispazju" huma l-post ideali fejn toffri dat-tip ta' kuntest.

    "Fil-listing tiegħek ara li ssemmi l-affarijiet li l-klijenti jafu ma jkunux qed jistennewhom fil-propjetà tiegħek," tgħid is-Superhost Nikki ta' San Francisco. "Spjegahom b'mod li huwa onest u ċar, mingħajr ma taqtalhom qalbhom. Għandek tkun ġenwin biżżejjed biex tgħin lill-klijenti tiegħek jagħżlu l-propjetà li jixtiequ."

    Aqsam il-personalità tiegħek

    Kemm jekk qed tippubblika kamra privata fid-dar tiegħek kif ukoll jekk inti l-Host ta' diversi propjetajiet, il-klijenti x'aktarx se jkunu jixtiequ jkunu jafu aktar dwarek. Tibżax turi l-personalità tiegħek.

    Ħu kemm tista' mill-captions tar-ritratti

    Ir-ritratti huma fattur importanti ħafna għall-klijenti meta jkunu qed jiddeċiedu jibbukkjawx l-ispazju tiegħek jew le u l-captions jagħtuk l-opportunità torbot ir-ritratti mal-esperjenza li se toffri lill-klijenti. Jekk issibha diffiċli biex tikteb caption dwar ritratt, aħseb ftit dwar dawk id-dettalji li l-kamera ma tistax turi.

    Jekk qed turi sodda, għid lill-klijenti tiegħek kemm hi kbira u semmi t-tip ta' saqqu, jekk is-sodda għandha saqqu. Għandek ritratt li juri rokna komda ħdejn tieqa? Tista' ssemmi li huwa l-post ideali biex taqbad taqra ktieb waqt inżul ix-xemx.

    Ispira ruħek billi taqra listings oħra

    Ispira ruħek billi taqra d-deskrizzjonijiet ta' listings interessanti—u agħti daqqa t'għajn lir-reviews tal-Hosts biex tifhem x'dettalji u x'mumenti laqtu lill-klijenti. Hu x'inhu t-tip ta' spazju li toffri, il-listing tiegħek jista' jieħu l-ħajja jekk issib dawk l-affarijiet fih li se jolqtu lill-klijenti.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Iffoka fuq dak li jagħmel l-ispazju tiegħek uniku

    • Agħti deskrizzjoni eżatta tal-ispazju tiegħek biex il-klijenti jkunu jafu eżatt x'għandhom jistennew

    • Aġġorna d-dettalji tal-listing tiegħek
    • Skopri iktar fil-gwida kompluta tagħna dwar kif toħloq listing tajjeb

    Airbnb
    18 ta’ Nov 2020
    Dan kien ta' għajnuna għalik?