L-iktar affarijiet essenzjali ta' kif għandek tikkomunika mal-klijenti

Li tikkomunika b'mod effettiv mal-klijenti huwa l-ewwel pass biex il-klijenti jkollhom esperjenza mill-aqwa. Bħala Host, il-fatt li tikkomunika b'mod ċar u fil-pront mill-mument li l-klijent jurik li huwa interessat fl-ispazju tiegħek sakemm iħalli l-post tiegħek huwa importanti għax jgħin biex il-klijenti jħossuhom komdi u biex int tikseb reviews tajbin.

Kun onest. Daniel, Host ġewwa San Francisco, jgħid li dejjem ikun ċar dwar il-post tiegħu. "Meta jaslu fil-post tiegħek, il-klijenti għandhom isibu l-istess affarijiet li għedtilhom li se jsibu," jgħidilna. "Aħjar ma twigħedx iżżejjed u l-klijenti jsibu post isbaħ milli stennew milli bil-kontra."

Staqsi. Tista' turi inklussività ikbar billi tistaqsi lill-klijenti tiegħek: X'teħtieġu biex tkunu komdi u tħossukom milqugħin fl-ispazju tiegħi? Ipprova ifhem lill-klijenti tiegħek—u evita s-suppożizzjonijiet—għax dil-ħaġa tagħmel differenza kbira.

Kun disponibbli. Annette, Superhost ġewwa San Francisco, tħobb tgħid lill-klijenti: "Tippruvaw issewwu xejn waħidkom, ikunu kemm ikunu żgħar il-ħsarat. Avżawna minnufih u nieħdu ħsieb kollox aħna." Għas-sitwazzjonijiet mistennija, il-Hosts b'esperjenza jużaw it-tweġibiet ta' malajr biex iżommu kuntatt mal-klijenti.

Ħu ħsieb lill-klijenti. Dak li għalik jafu jkunu affarijiet żgħar huma l-istess affarijiet li jwasslu biex iż-żjara tkun aħjar kemm għalik u kemm għall-klijenti tiegħek. F'każ ta' xi problema, ħafna klijenti jgħidulna li għalihom importanti ħafna l-mod ta' kif iġib ruħu l-Host.

Talba għall-booking: Meta klijent jikkuntattjak biex jibbukkja l-post tiegħek, japprezza ħafna jekk twieġbu malajr. Ipprova wieġeb għall-mistoqsijiet u t-talbiet tal-klijenti fi żmien 24 siegħa.

Li twieġeb malajr ma tgħinekx biss iżżomm lill-klijenti kuntenti imma hija wkoll waħda mill-kriterji biex issir Superhost. Il-messaġġi awtomatiċi jistgħu jgħinuk ukoll tippjana bil-quddiem biex ma tinsiex tibgħat xi informazzjoni lill-klijenti tiegħek.

Il-ħin tal-booking: Il-klijenti ħafna drabi japprezzaw meta l-Host jibagħtilhom messaġġ fejn jirringrazzjahom talli jkunu bbukkjaw il-post tiegħu.

Tista' tippersonalizza l-messaġġ ta' merħba tiegħek bl-informazzjoni mill-profil tal-klijenti tiegħek. Tista' tistaqsi xi mistoqsijiet dwar dak li jħobbu, il-post fejn jgħixu u l-passatempi tagħhom. Din taf tkunlek ukoll opportunità biex issir taf iktar dwar ir-raġuni għaliex il-klijent se jżur il-post fejn jinsab il-listing tiegħek u ma' min se jkun qed jivvjaġġa.

Qabel il-wasla: Importanti ħafna li tagħti lill-klijenti direzzjonijiet u dettalji ċari għaċ-checkin biex il-wasla tagħhom tkun mingħajr stress.

Wieġeb l-iktar mistoqsijiet komuni billi timla d-dettalji kollha—inkluż id-direzzjonijiet għall-ispazju tiegħek, l-istruzzjonijiet taċ-checkin u l-wifi—fit-taqsima Informazzjoni għall-klijenti fit-tab Listings tiegħek. Dil-informazzjoni se tinqasam mal-klijenti fit-tab Vjaġġi 48 siegħa qabel il-ħin li fih ikunu mistennija jagħmlu ċ-checkin.

Checkin: Il-klijenti—l-iktar dawk li jagħmlu parti minn komunitajiet storikament emarġinati—qalulna li s-self checkin jista' jgħinhom iħossuhom iktar komdi. Tista' wkoll toħloq informazzjoni dwar id-dar li tinkludi dettalji dwar kif tuża s-sistemi u l-appliances kollha li hemm fl-ispazju tiegħek.

Wara l-ewwel lejl: Ħafna Hosts jgħidu li jippreferu jikkomunikaw mal-klijenti matul il-vjaġġ tagħhom. Ma tagħmilx ħażin li tieħu ftit inizjattiva u tistaqsi lill-klijenti jekk hux kollox sew.

Qabel iċ-checkout: Agħżel dak li l-klijenti tiegħek għandhom jagħmlu qabel iħallu l-post tiegħek. Jum qabel il-klijenti jkunu se jħallu l-post, aħna nibagħtulek tfakkira bil-ħin u l-istruzzjonijiet taċ-checkout li tkun tajthom.

Wara t-tluq: Nissuġġerulek tikteb review dwar il-klijenti tiegħek minnufih. Dejjem uri rispett lejn l-oħrajn u uża l-istess standards għall-klijenti kollha int u tikteb ir-review. Xi Hosts jagħżlu li jibagħtu messaġġ lill-klijenti fejn jirringrazzjawhom taż-żjara tagħhom.