10 modi kif tista' tagħti xi ħaġa lura matul żmien il-Milied u lil hinn minnu

Żmien il-Milied huwa żmien ta' ferħ li tqatta' mal-ħbieb u mal-familja imma huwa wkoll iż-żmien ideali biex tkun grat għal dak li għandek u tagħti xi ħaġa lura. Ma tafx minn fejn għandek tibda? Agħti titwila lejn xi wħud mill-programmi filantropiċi ta' Airbnb u ispira ruħek b'dak li l-Hosts sħabek diġà qed jagħmlu biex id-dinja ssir post aħjar.

Eluf ta' Hosts ġenerużi minn madwar id-dinja kollha ngħaqdu mal-programm Open Homes tagħna li jħalli Hosts bħalek joffru l-ispazju tagħhom lin-nies li jeħtieġu akkomodazzjoni temporanja. Kemm jekk qed tgħin lin-nies fil-bżonn li qed jivvjaġġaw għal kura medika, jekk qed tilqa' r-refuġjati huma u jsibu posthom f'belt ġdida, kif ukoll jekk qed tilqa' lil dawk li ntlaqtu minn diżastru naturali jew lill-ħaddiema tal-għajnuna li jeħtieġu post fejn joqogħdu, l-għajnuna tiegħek tagħmel differenza kbira. Offri l-ispazju tiegħek

Fl-ispirtu tal-Jum Dinji tad-Donazzjonijiet—jum iddedikat għall-karità madwar id-dinja kollha li jaħbat l-ewwel nhar ta' Tlieta wara Jum ir-Ringrazzjament Amerikan—nistednuk tingħaqad mal-programm tad-Donazzjonijiet il-ġdid tagħna li permezz tiegħu, tul is-sena kollha, tista' tagħti parti mid-dħul tal-bookings tiegħek lill-għaqdiet mingħajr skop ta' qligħ imsieħba ma' Open Homes.

Kif jaħdem: Int tiddeċiedi l-perċentwali ta' għotja li tridha titnaqqas awtomatikament minn kull ħlas u 100% tad-donazzjoni tiegħek tmur għand l-għaqdiet mingħajr skop ta' qligħ li jużaw dal-fondi biex jgħinu lin-nies isibu akkomodazzjoni temporanja. Għalkemm dal-programm bħalissa disponibbli biss ġewwa l-Istati Uniti, il-Messiku, Spanja, il-Ġappun, New Zealand, it-Tajlanda, il-Malasja u Sri Lanka, it-tim tagħna qed jaħdem biex f'qasir żmien dal-programm ikun disponibbli f'iktar pajjiżi—għalhekk dalwaqt se nkunu miegħek. Ibda agħti

Għin lill-għaqdiet mingħajr skop ta' qligħ billi tieħu sehem f'waħda minn iktar minn 700 Esperjenza ta' Impatt Soċjali li qed jiġu organizzati madwar id-dinja. Tista' tiskopri santwarju tal-pappagalli ġewwa l-Hawaii, tieħu sehem f'workshop tal-mużajk ġewwa Washington D.C., tieħu sehem f'ġita bit-tema tal-femminiżmu madwar Londra, tingħaqad ma' ġita b'kenura fi tlugħ ix-xemx ġewwa l-Belt tal-Messiku u ħafna iktar. Għall-Organizzaturi mingħajr skop ta' qligħ aħna nneħħu t-tariffa tagħna ta' 20% biex b'hekk, kull ċenteżmu li tonfoq għall-esperjenza jmur direttament għand l-għaqda mingħajr skop ta' qligħ. Irreġistra għal Esperjenza ta' Impatt Soċjali

Jekk taf b'xi għaqda mingħajr skop ta' qligħ li tista' tgawdi mill-fatt li torganizza Esperjenza ta' Impatt Soċjali nistednuk tintroduċihom biex isiru jafu iktar dwar il-programm minn hawn.

Iltaqa' ma' Hosts oħra fil-komunità tiegħek billi tissieħeb fi klabb tal-Hosts u tagħti ħinek flimkien mal-Hosts l-oħra matul il-bqija tas-sena. Dan huwa dak li xi klabbs tal-Hosts wettqu bħala parti mill-attivitajiet ta' Week for Good, l-avveniment ta' volontarjat li torganizza Airbnb kull sena li matulu l-Hosts, il-ħaddiema tagħna u l-għaqdiet mingħajr skop ta' qligħ jagħtu l-ħin tagħhom biex iservu lill-komunitajiet:

• Ġewwa Sivilja, Spanja, klabb tal-Hosts iltaqa' ma' federazzjoni li tlaqqa' immigranti u entitajiet lokali biex jaħdmu fuq programmi ta' ugwaljanza u għajnuna tal-iżvilupp.
• Klabb tal-Hosts ġewwa Cape Town ħadem ma' għaqda lokali biex ifassal pjan fuq medda ta' sitt xhur biex jiżdiedu d-diversità u l-inklużjoni fil-komunità ta' Airbnb tagħhom.
• Bħala parti mill-Jum Dinji tat-Tindif tal-2019, klabb tal-Hosts ġewwa Napli, l-Italja, għall-ewwel attività ta' volontarja tiegħu, naddaf iċ-ċentru storiku tal-belt.

Mit-tindif tal-bajjiet sar-restawr tal-għamara, il-Hosts minn madwar id-dinja qed jagħtu sehemhom biex iħarsu l-ambjent:

• Żejjen b'oġġetti rrestawrati: "Nieħu gost niġbor l-għamara mit-triq jew minn xi carboot sale biex imbagħad insewwiha." —Delphine, Pariġi
• Naqqas, uża mill-ġdid u rriċikla: Bryan ġewwa Feltham, ir-Renju Unit qed jagħti sehmu ma' Freecycle, "sistema onlajn biex nagħtu ħajja/dar ġdida lill-affarijiet u nevitaw li jintremew f'miżbla."
• Evita l-plastik: Il-Hosts Perrine u Maxine minn Plouézec, Franza jagħmlu l-prodotti li jistgħu jerġgħu jintużaw tagħhom stess bħal karta miksija bix-xemgħa tan-naħal li tista' tintuża għat-tgeżwir minflok il-plastik. Celine minn Saumur, Franza tixtri bil-grossa u tieħu magħha sas-suq basktijiet taċ-ċarruta, kontenituri li jistgħu jerġgħu jintużaw u fliexken.
• Tħallix żibel warajk: Leticia minn Cancún, il-Messiku bħal Elena minn Palamós, Spanja, tnaddaf il-bajjiet u qaltilna: "Bħala regola ġenerali, kull darba li nżur xi waħda mill-bajjiet tagħna niġbor mill-inqas ħames biċċiet [żibel] li nsib: plastik, filtri tas-sigaretti, eċċ."

Ispira ruħek minn dal-Hosts li qed jaħdmu biex isaħħu u jagħtu ħajja aħjar lill-komunitajiet tagħhom:

• Għin lill-iskejjel: "Aħna qassamna ħafna kotba lill-iskejjel biex jużawhom għal-libreriji tagħhom filwaqt li tajniehom ukoll xi snacks biex ituhom lit-tfal." —MariaEsperanza, Bogotá, il-Kolombja
• Ħares l-istorja tal-post: Linda u Richard jagħtu l-ħin tagħhom lil San Antonio Conservation Society biex jgħinu ħalli jitħarsu l-bini, l-postijiet u t-tradizzjonijiet storiċi li għandhom x'jaqsmu mal-istorja ta' Texas.
• Issieħeb ma' għaqda tal-post: Till u Jutta minn Stuttgart, il-Ġermanja, jagħtu l-ħin tagħhom u jservu bħala membri tal-bord tal-għaqda tal-inbid, tal-frott u tal-ortikoltura lokali.

Dal-Hosts jgħinu lil sħabna l-annimali:

• Għin lill-gruppi li jgħinu lill-annimali fil-bżonn: Federico minn Ronchi dei Legionari, l-Italja, jgħin f'santwarju tal-annimali. Il-Hosts Ġermaniżi Sybille u Harry minn Hamburg u Ralf minn Inzell jgħinu lis-santwarji tal-annimali biex jagħtuhom affarijiet użati bħal xugamani u lożor.
• Iġġieled għad-drittijiet tagħhom: Alexandra minn Lincoln, il-Kanada tgħin fit-tmexxija ta' grupp li jħares id-drittijiet tal-annimali ġewwa Spanja kif ukoll tgħin biex issir dar ġdida għall-klieb abbandunati.
• Għin l-ispeċi fil-periklu: "Jien ngħin lid-Dipartiment tal-Konservazzjoni biex titħares waħda mill-iktar razez ta' għasafar rari ġewwa New Zealand: Fairy Tern, li b'popolazzjoni ta' 35 hija f'periklu kbir. Xogħli jinvolvi li neduka lill-pubbliku ġenerali, li nżomm għajnejja fuq il-bejtiet u li naqbad lill-predaturi." —Ria, Northland, New Zealand

Minn li joffru l-affarijiet bażiċi sa li jibnu l-iskejjel, dal-Hosts qed iħallu impatt:

• Qassam l-oġġetti mogħtija min-nies: Yuni u Erick minn Havana, Kuba jżuru l-viċinati foqra flimkien mal-klijenti ta' Airbnb li jkunu ġabu magħhom ħwejjeġ, żraben, mediċini, ġugarelli u affarijiet bażiċi biex iqassmuhom lil dawk fil-bżonn.
• Għin fil-ġlieda kontra l-ġuħ: Ana u Juan jagħtu ħinhom lil Food Bank ta' Barċellona biex jgħinu jorganizzaw il-kampanja tal-Milied ta' kull sena biex jiġbru l-ikel.
• Aqbad martell: Marco minn Liguria, l-Italja, bena skola għat-tfal żgħar u jagħti daqqa t'id fl-isptar ġewwa l-Afrika.

Ara kif dal-Hosts qed jagħtu l-ħiliet, is-servizzi u l-ħin tagħhom:

• Għallem lil xi ħadd kif jaqra u jikteb: "Hemm ħafna tfal li m'għandhomx l-opportunità li jiżviluppaw il-ħiliet lingwistiċi tagħhom għalhekk aħna ngħinuhom b'dak li jeħtieġu." —Clara minn Pensacola, Florida
• Qatta' l-ħin mat-tfal fil-bżonn: "Aħna nżuruhom kemm jista' jkun ta' spiss, nieħdu magħna ġugarell għat-tfal kollha u barra li nagħtu xi donazzjoni żgħira għall-bżonnijiet tagħhom, nieħdu lit-tfal jaraw film u jieklu ikla tajba." —Gordon minn Londra li jqatta' ftit ħin f'orfanotrofju għat-tfal morda bl-HIV ġewwa Caracas, il-Venezwela
• Agħti lift lil xi ħadd: "Jien inżur lill-morda u lix-xjuħ darba fil-ġimgħa u nagħti lift lill-persuni li ma jistgħux jiċċaqalqu waħidhom." Monika, Vjenna

Nisperaw li dal-istejjer jispirawk biex dal-Milied tagħti sehmek fil-komunitajiet tiegħek u lil hinn minnhom—u ħajjar lill-klijenti tiegħek jagħmlu l-istess!

L-informazzjoni li tinsab f'dal-artiklu jista' jkun li nbidlet minn meta ġiet ippubblikata.