Kif tilqa' n-nies skont ir-regoli tiegħek

Il-fatt li ġewwa l-ispazju tiegħek tilqa' nies li qatt ma tkun ilqajt magħhom qabel jaf ikun xi ħaġa ġdida għalik. Biex ngħinuk tħossok iktar komdu/a tilqa' n-nies, Airbnb għandha settings u faċilitajiet li jħalluk tagħżel kif u meta tilqa' n-nies.

Tista' taddatta s-settings tal-bookings skont il-ħtiġijiet, id-disponibbiltà u l-preferenzi tiegħek—minn liema spazji fil-post tiegħek huma disponibbli għall-klijenti san-numru ta' klijenti li tista' tilqa' fl-istess ħin.

Il-listing tiegħek jagħti lill-klijenti ħarsa lejn l-ispazju tiegħek biex qabel jibbukkjaw ikunu jistgħu jifhmu aħjar kif inhu mqassam u xi kemm se jiswihom. Int u toħloq il-listing tiegħek għandek tqis:

• X'rata ta' kull lejl u tariffi tixtieq titlob: Meta tilqa' n-nies fuq Airbnb se tintalab tagħżel ir-rata ta' kull lejl li titlob lill-klijenti tiegħek. Tista' tibdel ir-rati tiegħek meta trid qabel taċċetta booking u r-rati jistgħu jkunu differenti bejn lejl u ieħor u żmien tas-sena u ieħor. Tista' tagħżel ukoll li titlob tariffi oħra għat-tindif, għal kull klijent ieħor li jingħaqad mal-booking u iktar. Il-pariri dwar il-prezzijiet tagħna jistgħu jgħinuk tagħżel prezz kompetittiv.
• Kemm-il klijent jista' joqgħod fl-ispazju tiegħek: Fil-listing tiegħek tintalab tgħid kemm-il klijent tista' tilqa' fl-istess ħin. Il-klijenti mhux se jkunu jistgħu jibbukkjaw il-post tiegħek jekk in-numru ta' nies fil-grupp tagħhom jaqbeż l-ikbar numru ta' klijenti li tgħidilna li tista' tilqa' fl-istess ħin.
• X'kumditajiet se jkunu jistgħu jużaw il-klijenti: Billi għandek BBQ jew magna tal-ħasil u dryer ma jfissirx li għandek tħalli lill-klijenti jużawhom. Tista' timmarka l-kumditajiet li l-klijenti se jkunu jistgħu jużaw, jekk hemmx xi kumditajiet li għandhom jintużaw biss b'ċertu mod u dawk li ma jistgħux jintużaw minnhom. Pereżempju Brian, Host ġewwa Newport, Rhode Island, fid-deskrizzjoni tal-listing tiegħu jikteb, "Il-klijenti għandhom jistaqsuni qabel jużaw il-magna tal-ħasil u d-dryer."

Ir-regoli tad-dar jgħinuk tagħti stampa iktar ċara tal-mod ta' kif tilqa' n-nies biex il-klijenti jkunu jafu x'għandhom jistennew. Jgħinu wkoll biex il-klijenti jifhmu jekk il-post tiegħek jgħoddx għalihom.

Ir-regoli tad-dar tiegħek issa jintwerew b'mod prominenti f'erba' postijiet: fuq il-paġna tal-listing tiegħek, meta l-klijenti jibbukkjaw l-ispazju tiegħek, fl-email "Lesti l-bagalji!" kif ukoll fil-"Gwida tal-Wasla" li l-klijenti jirċievu qabel il-vjaġġ tagħhom. Grazzi għar-regoli bażi, il-klijenti huma mistennija jobdu kull ħaġa li ssemmi fir-regoli tad-dar standard tiegħek.

Tista' tagħżel ir-regoli tad-dar standard tiegħek minn numru ta' għażliet fissi marbuta ma' dal-oqsma li ġejjin:

• Pets
• Avvenimenti
• It-tipjip, il-vaping u s-sigaretti elettroniċi
• Sigħat kwieti
• Ħinijiet taċ-checkin u taċ-checkout
• L-ikbar numru ta' klijenti fil-post
• Fotografija u teħid ta' filmati kummerċjali

Mar-regoli tad-dar standard tiegħek dejjem tista' żżid numru ta' regoli oħra li tikteb int stess. Ir-regoli l-oħra għandhom jispjegaw dak kollu li l-klijenti m'għandhomx jagħmlu, bħal pereżempju li l-klijenti ma jistgħux jużaw gallerija privata jew il-gwardarobba fejn tqiegħed ħwejġek. Tista' tikteb ukoll regoli marbuta mad-drawwiet tal-post jew tar-reġjun (bħal pereżempju li ma jistax isir storbju waqt il-ħin tas-siesta) u rekwiżiti oħra li ma jissemmewx fir-regoli tad-dar standard (bħal pereżempju li m'għandhomx jintlibsu żraben fuq ġewwa).

Ikkuntattja lit-tim tal-Għajuna lill-Komunita jekk temmen li klijent kiser xi waħda mir-regoli—kemm dawk li għażilt kif ukoll dawk li ktibt int. Se ngħinuk jekk ikun jeħtieġlek tikkanċella l-booking.

Żomm f'moħħok: L-ebda regola tad-dar ma tista' tikser ir-regoli u l-politiki ta' Airbnb—fosthom it-termini tas-servizz u l-politika ta' nondiskriminazzjoni tagħna.

Uża s-settings tal-kalendarju u tal-bookings tal-listing tiegħek biex tagħżel meta l-post huwa disponibbli u t-tip ta' bookings li tixtieq tikseb. Int u tagħżel is-settings tal-bookings tiegħek għandek tqis:

• Id-disponibbiltà tiegħek: Int biss tagħżel meta tixtieq tilqa' l-klijenti fl-ispazju tiegħek. Jekk beħsiebek tivvjaġġa, tilqa' lil tal-familja jew lill-ħbieb jew ma tkunx tista' tilqa' n-nies f'ċerti dati tista' timblokka l-kalendarju tal-listing tiegħek għal dawk id-dati. Jekk tixtieq iktar ħin biex tnaddaf jew biex tistrieħ bejn klijent u ieħor, tista' tagħżel ukoll ħin ta' tħejjija standard biex tħalli dak iż-żmien battal bejn booking u ieħor.
• Kif il-klijenti se jkunu jistgħu jibbukkjaw: Bħala Host tista' tagħżel kif il-klijenti jibbukkjaw l-ispazju tiegħek: jew bil- Booking Immedjat jew billi jibagħtu talba għall-booking. Bil-Booking Immedjat, kull min għandu r-rekwiżiti tal-klijenti li tkun qed titlob u jaqbel mar-regoli tad-dar se jkun jista' jibbukkja kull data disponibbli fl-ispazju tiegħek. Bit-talbiet għall-booking, int se jkollok tirrevedi u tiċċekkja t-talbiet waħda waħda.
• Kemm trid li tkun twila kull żjara: Tista', skont il-liġijiet tal-post, tagħżel l-iqsar u l-itwal tul għal żjara ġewwa l-post tiegħek. Xi Hosts jibdlu r-rekwiżiti tagħhom skont id-domanda tal-istaġun u wħud minnhom anke jitolbu bookings ta' mill-inqas ġimgħa fl-iktar żminijiet popolari tas-sena.
• Avviż bil-quddiem: Għadek ma tafx eżatt meta se tkun tista' tilqa' n-nies fil-ġejjieni? Mhux problema. Uża s-settings tiegħek biex tagħżel kemm tixtieq taċċetta l-bookings bil-quddiem. Meta tagħmel hekk, il-klijenti mhux se jkunu jistgħu jibbukkjaw dati li ma tistax tagħti garanzija li se jkunu disponibbli. Tista' wkoll tagħżel kemm tixtieq li l-klijenti javżawk minn qabel dwar il-wasla tagħhom—pereżempju tista' tuża s-settings biex tevita l-bookings għal dakinhar stess jew għall-għada jekk tippreferi tkun taf iktar minn qabel dwar il-wasla tal-klijenti.
• Ħinijiet tal-wasla u t-tluq għall-klijenti: Il-wasliet kmieni u ċ-checkouts tard jafu jfixklu bookings oħra, iktar u iktar jekk għandek xi bookings eżatt wara xulxin. Tista' tuża s-settings tiegħek biex tavża lill-klijenti meta għandhom jaslu u meta għandhom iħallu l-post u tista' teditja l-listing biex tispjega għaliex huwa importanti li l-klijenti jimxu ma' dal-ħinijiet (pereżempju "Fil-11:00 se jasal xi ħadd biex inaddaf il-post.").

Żomm f'moħħok li tista' tibdel is-settings tal-bookings tiegħek meta trid. Ma tagħmilx ħażin lanqas li kultant żmien tiċċekkja s-settings tal-bookings biex tara li d-disponibbiltà tkun aġġornata u li huma addattati għall-mod ta' kif tixtieq tilqa' n-nies.

Il-Hosts jippreferu klijenti li jieħdu ħsieb il-post li jibbukkjaw bħallikieku kien tagħhom. Airbnb daħħlet fis-seħħ numru ta' politiki u ħarsien maħsuba biex ngħinuk tħajjar klijenti addattati għall-ispazju tiegħek.

Minbarra dal-ħasrien li noffru, deskrizzjonijiet tal-listing preċiżi, regoli tad-dar dettaljati u settings tal-bookings aġġornati jistgħu jgħinuk tiżgura li l-klijenti jieħdu ħsieb il-post tiegħek u b'hekk tkun tista' toffri esperjenza isbaħ għall-klijenti u tilqa' n-nies b'moħħok iktar mistrieħ.