Mur 'il quddiem biex taċċessa r-riżultati suġġeriti

    Imġiba inklussiva li tgħin biex kull klijent iħossu milqugħ

    Ikseb il-pariri mingħand Hosts ta' esperjenza—minn kif tirranġa l-listing tiegħek sa kif tikteb ir-reviews għall-klijenti.
    Minn Airbnb f'did-data: 27 ta’ Ġun 2022
    Qari ta' 5 minuti
    Aġġornat f'did-data: 15 ta’ Lul 2022

    Punti ewlenin

    • Ipprova das-suġġerimenti biex tiżgura li l-klijenti tiegħek iħossuhom milqugħin u siguri

    • Ikseb, mingħand Hosts oħra, mudelli li tista' tikkopja u twaħħal fil-listings u l-messaġġi tiegħek

    Meta tilqa' n-nies fuq Airbnb tkun qed tiftaħ l-ispazju tiegħek għan-nies minn madwar id-dinja kollha u għalhekk jeħtieġlek li tkun inklussiv/a.

    Is-sigriet biex tirnexxi bħala Host hu li tifhem kif tgħin lil nies minn kull rokna tal-ħajja jħossuhom komdi u milqugħin. Bħala komunità aħna impenjati li nilqgħu lil kull klijent b'rispett u mingħajr ġudizzju jew preġudizzju—huma x'inhuma r-razza, ir-reliġjon, il-pajjiż tat-twelid, l-etniċità, id-diżabbiltà, is-sess, il-ġeneru, il-ġibdiet sesswali jew l-età tiegħu.

    L-ospitalità inklussiva hija kruċjali jekk tixtieq tirnexxi bħala Host. Dan ifisser li:

    • Taċċetta u tilqa' l-klijenti minn kull rokna tal-ħajja

    • Toffri esperjenza ġusta u tgħin lill-klijenti bil-ħtiġijiet tagħhom

    • Tibni rabta magħhom, huma x'inhuma l-affarijiet komuni u d-differenzi ta' bejnietkom

    • Tkun moħħok miftuħ u lest/a biex tistaqsi lill-klijenti x'jeħtieġu għaż-żjara tagħhom

    Airbnb ġabret lista ta' pariri mingħand il-Hosts, il-klijenti u l-esperti biex tkun tista' tipprova tkun iktar inklussiv/a int u tilqa' n-nies u b'hekk kull klijent ikun jista' jħossu milqugħ. Dawn is-suġġerimenti, minn kif toħloq il-listing tiegħek sa kif tikteb review, jistgħu jgħinu biex jitnaqqas il-preġudizzju indirett u jgħin fil-bini tar-rabtiet.

    Qabel il-booking: Kif toħloq listing inklussiv

    Meta tagħmilha ċara li tilqa' nies minn kull rokna tal-ħajja, tkun qed tgħin lill-klijenti li ġejjin minn komunitajiet storikament emarġinati biex iħossuhom komdi jibbukkjaw il-post tiegħek. Aħna u nitkellmu man-nies li ġejjin minn dal-komunitajiet, sibna li qabel jibbukkjaw dawn ifittxu għal sinjali fil-listing li juru li l-Host huwa inklussiv.

    Dawn huma xi affarijiet li tista' tagħmel biex turi li int Host inklussiv:

    • Agħmilha ċara fl-ewwel ftit sentenzi tad-deskrizzjoni tal-listing tiegħek li int taċċetta nies li ġejjin minn kull rokna tal-ħajja (hawn taħt għandek xi eżempji ta' kif tista' tagħmel hekk).

    • Agħti deskrizzjoni preċiża tal-faċilitajiet tal-aċċessibbiltàtal-propjetà tiegħek u aġġorna r-ritrattital-listing tiegħek.

    • Żid il-pronomi li tixtieq li ħaddieħor juża għalik (pereżempju: hi/tagħha, hu/tiegħu, huma/tagħhom) mal-profil tiegħek. B'hekk il-klijenti jifhmu kif għandhom jirreferu għalik u turi li tagħti kas il-pronomi li l-klijenti jixtiequ li jintużaw għalihom.

    • Ixgħel il-Booking Immedjat biex il-klijenti jkunu jistgħu jibbukkjaw il-listing tiegħek mingħajr ma jkollok tapprovahom minn qabel. B'hekk turi li lest/a tilqa' lil kull minn għandu l-kriterji kollha mitluba minnek.

    • Offri li tapprova n-nies minn qabel u ħeġġeġ lill-klijenti li jikkuntattjawk qabel jibbukkjaw biex jibbukkjaw miegħek. Innutajna li xi klijenti kultant jikkuntattjaw lill-Host qabel jibbukkjaw biex jifhmu jekk il-Host ikunx lest jaċċettahom jew le.

    • Qabel tirrifjuta talba għall-booking ta' klijent, qis ir-raġuni tiegħek bir-reqqa. Tħossok komdu/a tispjega r-raġuni tiegħek kieku kellek tiltaqa' wiċċ imb wiċċ mal-klijent?

    Parir: Aqsam ftit informazzjoni dwarek u dwar dak li tħobb tagħmel fil-profil u d-deskrizzjonijiet tal-listings tiegħek biex b'hekk tkunlek eħfef li tibni rabta mal-klijenti.

    Tista' tipprova tuża l-frażijiet inklussivi li l-Hosts l-oħra jużaw fil-listings tagħhom. Tkellimna mal-membri tal-Bord Konsultattiv tal-Hosts u tawna dal-eżempji:

    1. Peter, Host ġewwa San Francisco jikteb: "Id-dar tiegħi hija spazju li jilqa' lil kull minorità u kull tip ta' nies li ħaddieħor jiddiskrimina kontrihom. Naċċetta klijenti ta' kull razza, twemmin, ġeneru u ġibda sesswali".

    2. "It-tieni ritratt tal-listing tiegħi għandu monument bil-kliem, 'Dan postok'," jgħid Shinya, Host ġewwa Osaka, il-Ġappun. Shinya għandu ritratt ieħor li jgħid, "Jien favur id-diversità u l-inklużjoni"—biex il-klijenti jkunu jafu x'għandhom jistennew mingħandu. Tista' wkoll tikteb dil-ħaġa f'caption.

    Qabel il-wasla: Kif tara li l-klijenti jħossuhom milqugħin minnek

    Wara li tikseb booking għall-ispazju tiegħek, ibgħat messaġġ lill-klijenti tiegħek biex tagħtihom merħba dħulija. Uri l-empatija—u evita s-suppożizzjonijiet dwar l-oħrajn—għax dil-ħaġa tagħmel differenza kbira.

    • Ikteb messaġġ ta' merħba personalizzat b'informazzjoni mill-profil tal-klijent tiegħek. Tista' tistaqsi xi mistoqsijiet dwar dak li jħobbu, il-post li ġejjin minnu u l-passatempi tagħhom.

    • Uża kliem newtrali, kemm fejn jidħlu l-ġeneri kif ukoll għal dak li għandu x'jaqsam mal-ġibdiet sesswali meta tkun qed tikkomunika mal-klijenti. Tippruvax tissoponi x'inhuma l-ġeneru jew is-sitwazzjoni emozzjonali tal-klijent.

    • Jekk klijent jistaqsi dwar il-faċilitajiet tal-aċċessibbiltà, , ara li twieġeb il-mistoqsijiet tiegħu u staqsih jekk hux se jkun jeħtieġ xi ħaġa oħra.

    Parir: Ipprova ibgħat messaġġ lill-klijenti u staqsihom, "X'nista' nagħmel biex ikollkom żjara iktar komda?"

    Jekk teħtieġ xi ideat, ara xi messaġġi li Hosts oħra bagħtu lill-klijenti. Hawn għandek żewġ eżempji:

    1. Michael, Host ġewwa Falcarragh, l-Irlanda, jgħid li għalih l-iktar ħaġa importanti hija li jibni rabta tajba mal-klijenti qabel jaslu. "Dejjem nibgħat nirringrazzja lill-klijenti talli talbu li joqgħodu fil-listing tagħna," jgħidilna. "Imbagħad ngħidilhom li se nikkuntattjahom eqreb lejn id-data ta'-żjara tagħhom, nixtiqilhom il-jum it-tajjeb u ngħidilhom li jekk ikunu jeħtieġu xi għajnuna sadattant, m'għandhomx jiddejqu jikkuntattjawni."

    2. Susan, Host ġewwa Denver tikteb: "Id-dar tagħna hija d-dar tiegħek. Nixtiequ li tħossok komdu/a. Uża l-ispazju kif tixtieq. Jekk għandek xi ideat fuq kif nistgħu ntejbu l-esperjenza għall-klijenti tagħna, jekk jogħġbok tiddejjaqx tgħidilna."

    Wara ċ-checkin: Kif tara li l-klijenti jkunu komdi

    Il-klijenti—l-iktar dawk li ġejjin minn komunitajiet storikament emarġinati—qalulna li dal-affarijiet jistgħu jgħinuhom iħossuhom iktar milqugħin:

    • Offri self checkin fejn tista', imma dejjem staqsi lill-klijenti tiegħek jekk jippreferux checkin wiċċ imb wiċċ.
    • Iżżurx lill-klijenti jekk ma jkollokx għalfejn. Agħtihom il-privatezza tagħhom imma agħmilha ċara li se tkun dejjem disponibbli biex tgħinhom (wiċċ imb wiċċ jew b'mod virtwali) jekk ikunu jeħtieġu l-għajnuna tiegħek.

    Parir: Semmi l-informazzjoni importanti kollha fir-regoli tad-dar tiegħek biex il-klijenti dejjem ikunu jistgħu jsibuha mill-kont tagħhom.

    Wara ċ-checkout: Kif tikteb review ġenwina dwar il-klijenti

    Ir-reviews huma s-sisien tal-komunità fdata ta' Airbnb. Metatikteb review dwar il-klijenti tiegħek ikollok l-opportunità turi l-gratitudni tiegħek u taqsam magħhom ħsibijiet u kummenti li jistgħu jkunulhom ta' għajnuna.

    • Uża l- istess standards mal-klijenti kollha.

    • Meta tkun tista', ilqa' klijenti ta' Airbnb ġodda u ħallilhom review wara ż-żjara tagħhom. Review tgħin ħafna biex il-klijenti jkunu jistgħu jibbukkjaw post ieħor fil-ġejjieni.

    • Ħeġġeġ lill-klijenti biex jiktbulek review. Sibna li l-vjaġġaturi li ġejjin minn komunitajiet storikament emarġinati ħafna drabi jaqraw ir-reviews qabel jibbukkjaw biex jippruvaw jifhmu jekk klijenti oħrajn bħalhom intlaqgħux mill-Host.

    Ara li timxi mar-regoli tal-inklussività, speċjalment jekk għadek tibda tilqa' n-nies. Żomm f'moħħok li l-iktar affarijiet importanti meta tiġi biex tilqa' l-klijenti kollha huma li tistaqsi l-mistoqsijiet dwar il-ħtiġijiet tal-klijenti u li tkun tista' tintlaħaq mill-klijenti.

    Tista' tibda tkun Host iktar inklussiv billi tistaqsi lill-klijenti tiegħek "X'teħtieġ biex tkun iktar komdu fl-ispazji tiegħi u tħossok milqugħ minni?" U nisperaw li meta tagħmel hekk, tkun qed tagħmilha eħfef għall-klijenti tiegħek li jibbukkjaw miegħek u jkollhom żjara mill-aqwa fil-post tiegħek.

    Punti ewlenin

    • Ipprova das-suġġerimenti biex tiżgura li l-klijenti tiegħek iħossuhom milqugħin u siguri

    • Ikseb, mingħand Hosts oħra, mudelli li tista' tikkopja u twaħħal fil-listings u l-messaġġi tiegħek

    Airbnb
    27 ta’ Ġun 2022
    Dan kien ta' għajnuna għalik?