Kif tista' tgħin bil-bookings ta' emerġenza fi żminijiet ta' kriżi

Meta xi diżastru naturali jew ġlied fuq skala kbira jwassal biex in-nies ikollhom iħallu djarhom, wieħed mill-ewwel affarijiet li dawn in-nies ifittxu huwa post fejn joqogħdu. Il-postijiet fejn toqgħod għal żmien qasir jgħinhom biex ikunu jistgħu jiffukaw fuq ħwejjeġ oħra u jippjanaw għall-ġejjieni tagħhom. Tista' tagħti sehmek billi tilqa' n-nies fil-bżonn jew tagħti għotja lil Airbnb.org.

Airbnb.org hija għaqda mingħajr skop ta' qligħ 501(c)(3) li mhix immexxija minn Airbnb. Il-ħidma tagħha bdiet fl-2012 meta Shell, Host ġewwa Brooklyn, New York offriet il-post tagħha bla ħlas għan-nies li kellhom iħallu djarhom minħabba l-Uragan Sandy. Airbnb talbet l-għajnuna ta' membri oħra tal-komunità u iktar minn 1,000 Host tal-post għażlu li jiftħu djarhom għan-nies milquta mill-uragan.

L-idea ta' Shell wasslet biex Airbnb toħloq programm fejn il-Hosts minn madwar id-dinja kollha setgħu jibdew joffru l-postijiet tagħhom lin-nies li jkunu ntlaqtu minn xi kriżi. Fl-2020 dan il-programm inbidel f'Airbnb.org, għaqda mingħajr skop ta' qligħ bl-għanijiet u l-bord tad-diretturi tagħha.

Illum Airbnb.org taħdem madwar id-dinja kollha ma' gvernijiet, ma' għaqdiet privati u ma' għaqdiet umanitarji biex tgħin issib postijiet fejn in-nies fil-bżonn jistgħu joqogħdu. Il-fondi ta' Airbnb.org ġejjin mill-għotjiet tad-donaturi u, għall-ħidma tagħha biex tgħin lin-nies fil-bżonn milquta minn diżastri naturali, ġlied u emerġenzi oħra, tuża t-teknoloġija u l-komunità dinjija ta' Hosts ta' Airbnb.

Mill-2012 'l hawn, Airbnb u Airbnb.org sabu post fejn toqgħod ta' emerġenza għal kważi 300,000 persuna fosthom għar-refuġjati mill-Ukrajna u għal dawk li kellhom iħallu djarhom minħabba t-terremoti li laqtu lit-Turkija u lis-Sirja. Fl-aħħar tliet snin iktar minn 91,000 Host li ġejjin minn 189 pajjiż irreġistraw biex jilqgħu n-nies fil-bżonn. Il-ħtieġa għall-għajnuna dejjem qed tkompli tikber.

Kemm jekk għandek spazju fejn tilqa' n-nies fil-bżonn kif ukoll jekk le, dejjem tista' tagħti donazzjoni ta' darba. Jekk diġà ta' sikwit tilqa' n-nies fuq Airbnb, tista' tagħżel li tagħti perċentwali minn kull ħlas tiegħek. Tagħżel x'tagħżel, 100% tal-għotja tiegħek dejjem se tmur biex tagħmel tajjeb għall-bookings ta' emerġenza (mhux għall-ispejjeż tal-ħidma ta' Airbnb.org).

Jekk int diġà Host ta' Airbnb, tista' tuża listing li diġà tellajt jew toħloq ieħor ġdid għal post ieħor. Tista' tagħżel li toffri l-post tiegħek bla ħlas jew bi prezz imraħħas fuq il-pjattaforma Airbnb.org.

Tista' wkoll tirreġistra biex tilqa' n-nies fuq Airbnb.org biss u għalhekk taċċetta biss nies fil-bżonn ta' post fejn joqogħdu għax ikunu vittmi ta' emerġenza. F'dawn il-każijiet ma tistax titlob flus biex tilqa' n-nies fil-bżonn għandek.

In-nies fil-bżonn li joqogħdu f'postijiet ibbukkjati fuq Airbnb ma jħallsux flus. L-ispejjeż jagħmlu tajjeb għalihom l-għotjiet. Meta toffri l-prezz tiegħek bla ħlas jew bi prezz imraħħas tkun qed tagħti sehemek biex id-donazzjonijiet ikunu jistgħu jħallsu għal iktar postijiet fejn toqgħod ta' emerġenza għal iktar nies.

Airbnb ma tiġbor l-ebda tariffa tas-servizz għall-bookings ta' Airbnb.org. Il-bookings kollha mħarsa minn AirCover għall-Hosts.

Airbnb.org tgħin nies fil-bżonn li ħafna drabi jintbagħtu jew ikunu qed jiġu megħjuna minn għaqdiet li jgħinu lin-nies tal-post meta tfaqqa' kriżi u li jgħinu lir-refuġjati jsibu post ġdid fejn joqogħdu. In-nies fil-bżonn ma jistgħux jitolbu post fejn toqgħod ta' emerġenza direttament minn Airbnb.org.

Fost in-nies fil-bżonn li jistgħu jibbukkjaw postijiet fejn toqgħod ta' emerġenza hemm:

• Nies milquta minn diżastri kbar u ħaddiema tal-għajnuna li jkunu qed jagħtu sehemhom b'mod uffiċjali biex itaffu l-effett ta' dawk id-diżastri.

• Refuġjati jew nies oħra li jkunu qed ifittxu ażil, nies b'viża tal-immigrazzjoni speċjali jew nies b'xi xorta ta' status tal-immigrazzjoni li jixbah lil dan li juri li jeħtieġu għajnuna umanitarja.

In-nies fil-bżonn li jistgħu jiġu megħjuna minn Airbnb.org jafu jirċievu kreditu biex jibbukkjaw il-post fejn toqgħod ta' emerġenza jew taf tkun xi għaqda mingħajr skop ta' qligħ imsieħba magħna li tibbukkja f'isem in-nies fil-bżonn u tikkomunika mal-Host.

L-ispazju tiegħek jista' jgħin lin-nies milquta minn kriżi. Dima, persuna fil-bżonn megħjuna minn Airbnb.org ġewwa Berlin, kellu jħalli l-Ukrajna fl-2022. "Dak iż-żmien kont qed inħossni mkisser," jgħid Dima. "Ma nafx ngħidlek x'apprezzajt l-iktar: jekk hux li kont fi spazju sigur jew li kont qed nifhem kemm kien hemm min lest li jgħinni."

Iva. Meta tirreġistra biex tilqa' l-bookings ta' emerġenza bla ħlas jew bi prezz imraħħas jew tagħżel li tagħti perċentwali minn kull ħlas tiegħek, fuq il-profil tiegħek bħala Host se nqiegħdu badge li turi li int sostenitur ta' Airbnb.org.

Miljuni ta' nies madwar id-dinja jkollhom iħallu djarhom minħabba l-ġlied u d-diżastri naturali. Tista' tagħmel differenza kbira fil-ħajja tar-refuġjati, tan-nies li kellhom iħallu djarhom u tal-ħaddiema tal-għajnuna billi tilqagħhom ġewwa darek jew tagħti għotja biex tgħin fil-bookings għan-nies milquta minn emerġenza.