Kif toħloq paġna tal-listing interessanti

Il-paġna tal-listing li fiha l-isem, id-deskrizzjoni, ir-ritratti, il-kumditajiet u iktar dettalji dwar il-post tiegħek hija l-ewwel opportunità biex tiġbed l-attenzjoni tan-nies li jixtiequ ijbbukkjaw. Int u toħloq il-listing tiegħek, importanti li tagħżel bir-reqqa s-settings tal-kalendarju u tal-prezzijiet tiegħek għax dawn jgħinuk tiżgura li tikseb biss il-bookings li trid, meta tridhom u bil-prezz li trid.

Bħala Host tista' tagħżel meta u kif il-klijenti jistgħu jibbukkjaw il-post tiegħek. Ftit affarijiet li għandek tqis:

• Is-settings tal-kalendarju: Agħżel l-inqas u l-ikbar numru ta' iljieli għal żjara li klijent jista' jibbukkja, evita talbiet għal dakinhar stess u aktar—kollox mis-settings tal-kalendarju tiegħek. Tinsiex iżżomm il-kalendarju tiegħek aġġornat billi timblokka d-dati ta' meta se tkun qed tivvjaġġa jew ta' meta ma tkunx tista' tilqa' n-nies.
• Talba għal booking: Din il-faċilità tħallik tirrevedi talba għal booking qabel ma taċċettaha. Ara li twieġeb lill-klijent fi żmien 24 siegħa.
• Booking Immedjat: Il-klijenti ta' sikwit ifittxu listings li joffru Booking Immedjat għax dil-faċilità tħalli lill-klijenti jibbukkjaw il-listing tiegħek mingħajr ma jkunu jeħtieġu approvazzjoni minn qabel. Dan juri wkoll li lest/a tilqa' lil kull min ikollu r-rekwiżiti li qed titlob, sinjal kruċjali li juri li int Host inklussiv/a.

Dal-pariri jistgħu jgħinu l-listings tiegħek jispikkaw fir-riżultati tat-tiftix ta' Airbnb mal-klijenti li jixtiequ jibbukkjaw.

• Ikteb deskrizzjoni dettaljata. Fl- isem u d-deskrizzjoni tal-listing tiegħek, ipprova uri dak kollu li l-klijenti għandhom ikunu jafu dwar l-ispazju tiegħek, bħal kemm hemm punti ta' interess qrib tiegħu. Pereżempju, Host partikolari li għandu spazju komdu ħdejn il-baħar juża, "Post tal-vaganzi qrib il-baħar" bħala isem għal-listing tiegħu.
• Ikteb b'mod inklussiv. Fid-deskrizzjoni tal-listing tiegħek agħmilha ċara li int tilqa' nies li ġejjin minn kull sfond tal-ħajja.
• Semmi x'kumditajiet joffri l-ispazju tiegħek. Fost l-iktar kumditajiet popolari hemm il-wifi, is-self checkin, spazju fejn taħdem fuq laptop, parkeġġ bla ħlas u spazju addattat għall-pets—għalhekk ara li ssemmi kull kumdità li klijent jista' jsib fl-ispazju tiegħek.
• Aqsam ir-regoli tad-dar tiegħek. Dawn jgħinu lill-klijenti jifhmux'għandhom jistennew mingħandek u x'tistenna int mingħandhom. Uża r-regoli tad-dar tiegħek biex taqsam informazzjoni importanti mal-klijenti li jkunu qed jitħajjru jibbukkjaw il-listing tiegħek—bħal pereżempju li ma taċċettax tipjip.

Ritratti li jolqtu l-għajn jgħinu biex juru l-karattru tiegħek u l-istil tal-post li tilqa' n-nies fih, għalhekk ma tagħmilx ħażin li taġġorna r-ritratti tiegħek ta' spiss u tenfasizza ċerti dettalji uniċi.

• Agħżel bir-reqqa l-ewwel ritratt li tqiegħed. Flimkien mal-isem tal-listing tiegħek, dan se jkun l-ewwel ħaġa li jaraw il-klijenti fir-riżultati tat-tiftix. "Meta nfittex fuq Airbnb, dejjem immur dritt għar-ritratti. Mela aħseb fuq dak li jagħmel il-post tiegħek aktar speċjali mill-bqija," tgħid Candida, Host ġewwa Joshua Tree, California.
• Uża ritratti tal-ispazju kollu tiegħek. Jekk iżżid madwar tliet ritratti ta' kull kamra minn angoli differenti tkun qed toffri lill-klijenti dawra virtwali mal-ispazju tiegħek.
• Ikteb captions li jispegaw x'qed jintwera fir-ritratt. Il-captions tiegħek huma post tajjeb biex tgħarraf lill-klijenti tiegħek dwar dettalji importanti. Pereżempju, tinsiex issemmi l-mejda tal-biljard jew il-banju fond.
• Enfasizza l-faċilitajiet tal-aċċessibbiltà. Ħafna klijenti jfittxu l-faċilitajiet ta' aċċessibbiltà, għalhekk huwa importanti li żżidhom mad-dettalji u turihom fir-ritratti tal-listing tiegħek.

Il-prezz li titlob għall-ispazju tiegħek huwa f'idejk biss. Xi ftit affarijiet li għandek iżżomm f'moħħok:

• Ta' sikwit l-ewwel ħaġa li l-klijenti jagħtu kas huma u jfittxu spazju huwa prezz u għalhekk importanti li l-ispazju tiegħek joffri valur għall-flus meta mqabbel mal-post fejn jinsab u l-kumditajiet li toffri. Biex tifhem kemm tista' titlob għall-post tiegħek, tista' tuża l-għodda tagħna.
• Meta tagħżel ir-rata ta' kull lejl tiegħek, ma tagħmilx ħażin li tqis it-tariffi l-oħra—bħat-tariffi għat-tindif, it-tariffi għal meta jingħaqdu iktar klijenti,it-tariffi tas-servizzi u t-taxxi lokali—u x'impatt se jkollhom fuq il-prezz aħħari li se jħallsu l-klijenti tiegħek.
• Bħala Host ġdid, nissuġġerulek tibda titlob rata speċjali għal kull lejl sakemm tikseb ftit reviews pożittivi.
• Il-faċilità tal-Prezzijiet Intelliġenti tgħinek toffri prezz kompetittiv billi tirranġa r-rata tiegħek awtomatikament skont id-domanda għal listings bħal tiegħek.

Lest/a biex tieħu kemm tista' mil-listing tiegħek? Din hija checklist qasira biex ngħinuk tibda:

• Is-settings tal-kalendarju tiegħek huma aġġornati?
• Xgħelt il-Booking Immedjat?
• Id-deskrizzjoni u l-isem tal-listing tiegħek huma ċari u attraenti?
• Għamiltha ċara fid-deskrizzjoni tal-listing tiegħek li tilqa' nies li ġejjin minn kull rokna tal-ħajja?
• Żidt il-kumditajiet kollha li toffri?
• Għandek varjetà ta' ritratti ta' kwalità għolja u captions?
• Qed toffri prezz ta' kull lejl kompetittiv?

Wara li tkun bdejt tilqa' n-nies u l-klijenti jkunu bdew jaqsmu miegħek il-kummenti u l-ħsibijiet tagħhom, tkun idea tajba li taġġorna l-listing tiegħek ta' sikwit u li tiżgura li d-deskrizzjoni u r-ritratti tiegħek juru verament dak li jagħmel il-post tiegħek uniku.

Skopri iktar grazzi għall-gwida tagħna dwar kif toħloq listing li jirnexxi

L-informazzjoni li tinsab f'dal-artiklu jaf laħqet inbidlet minn meta ġie ppubblikat.